بسم الله ... هنبدأ الشغل

تحديث هام
اللي عايز يشتغل على الويكيبديا يدخل هنا
و اللي عايز يشتغل على اليوتيوب يدخل هنا

بصوا بقى .. أيوه هو نضال كيبورد .. بس مهم و مهم جدا كمان و في منتهى الأهمية و الخطورة

بصوا على اللينك ده

" إسرائيل تزيف التاريخ على الويكيبديا "

عشان تصدقوا إن الموضوع خطير .. و كالعادة هما سابقنا في كل حاجة
المهم عشان تبقوا عارفين الويكيبديا بيدخل عليه 58 مليون شخص يوميا و المشكلة إن معظمهم بياخدوا المعلومات اللي عليه كأنها حقيقة مؤكدة .. و طبعا بدأت إسرائيل عن طريق جماعة سرية بكتابة التاريخ من وجهة نظرها
يعني من الآخر الملعب مفتوح ليهم في الغرب على البحري هيشكلوا الناس زي ما هما عايزين و بعد كده هنحلف زي ما نحلف خلاص هتكون لزقت في دماغهم خلاص ..أيوه هما فعلا بيعملوا كده من سنين بالأفلام و القنوات الإخبارية و خلافه .. و بما إن رجال الأعمال العرب إيدك منهم و القبر فمش هنقدر على الحاجات دي .. بس احنا نقدر على الويكيبديا و اليوتيوب .. ساعتها هتبقى القنوات بتقول حاجة و الانترنت بيقول حاجة تانية على الأقل حتى لو ماصدقوناشي هنعملهم لخبطة في دماغهم .. و ده هيخليهم يدوروا أكتر على الحقيقة

يعني بالمختصر كده اللي عايز أقوله أهوه

"ولأن الويكيبديا يزورها يوميا 58 مليون شخص حول العالم, ولأن يوتيوب يزوره يوميا 12 مليون شخص حول العالم, فإن ثقافة العالم تتأثر بشدة بهذين المصدرين, ومع وجود التهديد التي تشكله اسرائيل على مثل هذه المصادر الثقافية, سيتعرض المواطن الأمريكي أو البريطاني أو الفرنسي لأن يصدق أي ادعائات قد تقوم اسرائيل ببثها, وبالتالي ستتأثر قناعاته ومواقفه تجاه أي موقف, ويمكن – لأنه تعرض للإحتيال دون علم- أن يقف موقفا مساندا لإسرائيل ضد العرب أو المسلمين أو الفلسطينين, وفي هذه الحالة نكون خسرنا الكثير والكثير جدا.

ومما يعني أن أي شخص محايد في أي من دول عالم, قد نخسر دعمه وتأييده ومساعدته لقضايانا, إذا ما سيطرت عليه الأفكار والموضوعات التاريخية الزائفة التي تسعى إسرائيل لبثها, ومما يعني أن أجيالا قادمة سوف تنشأ معتقدة في هذه الإعتقادات الخاطئة, وكأنها مسلمات لا شك فيها, والتي ستجعل من العرب إرهابيين ومن الإسرائليين أصحاب حق وحمائم وديعة مجني عليها. ومما يعني ببساطة أن التاريخ سيعاد كتابته لصالحهم بكل ما تعني الجملة من مشكلات جمة على حسابنا.

بالتأكيد هناك أشخاص-بل وجماعات- بالعالم الغربي, ستتغير مواقفهم إذا عرفوا الحقيقة, سيقفون معنا إذا عرفوا الحقيقة, لن يساندوا إسرائيل إذا عرفوا الحقيقة.."

فهمتوا اللي أنا عايز أقوله.. هنعمل إيه بقى ...

الخطوات اللي هنعملها أو هيعملها أي حد هيشاركنا الشغل ده

- اقضي بعض الوقت على موقعي "ويكيبديا" و "يوتيوب" وراجع بعض الموضوعات/ الفيديوهات التي تتعلق بالصراع العربي الإسرائيلي.
- ويكيبيديا تتيح بالطبع إعادة تحرير المقال, فيمكنك تصحيح ما هو خاطئ.
- أرسل رسالة لموقع يوتيوب حول أي فيديو قد يزور التاريخ, واذكر أسبابك.
- اذا كنت تتقن لغة أجنبية, اكتب موضوعا على ويكيبيديا حول الحقائق التاريخية المؤكدة.
- اذا كنت تتقن لغة أجنبية, اكتب موضوعا عن احدى البشائع والجرائم الإسرائيلية في حق الإنسانية وحق العرب والفلسطينين.
- اذا كانت لديك القدرة على تصوير فيديو يمثل حقيقة مؤكدة عن احدى البشائع الإسرائيلية, قم بتصويره وانشره على "اليوتيوب".
- اذا كانت لديك القدرة على اقتطاع "كليبClip " من أي وثائقي أو مصدر مصور –ذو مصادر ومعلومات موثقة- ونشره على "يوتيوب", فقم بذلك.
- اذا كنت تتقن لغة أجنبية, قم بإضافة تعليق مكتوب Subtitle للكليب المذكور في الخطوة السابقة, وانشره على "يوتيوب".
- اذا لم تكن تتقن أي لغة أجنبية, قم بكتابة موضوعا بالعربية عن ويكيبيديا حول فلسطين, وتاريخ فلسطين, وتاريخ الإحتلال, وبشاعة الإحتلال. اكتب موضوعا موثقا تذكر فيه التاريخ والمكان والأشخاص والأحداث وألحق به مصادرك الموثوقة.
اذا لم تكن تستطيع عمل أي من الخطوات السابقة, قم بإرسال رسالة لكل أصدقائك ومعارفك ليشاركونا هذه الحملة.

أظن مفيش أسهل من كده و نفس الوقت في منتهى الأهمية زي ما اتفقنا
و دي الخطوة الأولى

أما الخطوة التانية فهي كالآتي :

ارسال حملة ايميلات ضخمة للناس العادية في الغرب فيها رسالة بها بعض اللينكات للفيديوهات و المقالات اللي احنا هنعملها
أنا معايا فوق ال100 مليون ايميل أجنبي و ممكن أبقى أشرحلكم إزاي نأجر سيرفر و نبعت سبام للعدد ده من عليه و مش هيكلف أكتر من 600 جنيه في الشهر
و الهدف تشكيل رأي عام عالمي ضاغط على إسرائيل

يعني " مثال محلول "

هنعمل مثلا فيديو حلو كده و طبعا بأكتر من لغة عن بيريز و هو بيستلم جايزة نوبل للسلام و بعدين مشهد و هو بيعترف بقتل الأطفال في غزة و بعدين صور لقتلى الأطفال أو للجزع في عيونهم البرئية و نتسائل هل جائزة نوبل تعطى لقتلة الأطفال
و بعدين نكتب ايميل شديد كده و برضه بكام لغة محطوط فيه لينك الفيديو و كمان محطوط فيه ايميلات اللجنة المنظمة لجائزة نوبل و نبعته للملايين في الغرب و نطلب منهم انهم يبعتوه لمعارفهم و كمان يبعتوا للجنة الجائزة
تخيلوا الضغط اللي ممكن نعمله

و اوعى حد يقلل من الكلام ده
دي لعبة إسرائيل و ناجحه فيها بامتياز من يوم الهولوكست لحد النهارده
كفاية بقى

المفروض ننزل حتى الملعب قدامهم .. احنا سايبنهم يلعبوا في أدمغة الناس و قاعدين بنتفرج

ايه.. حد قال أنا معاكم