أقل حاجة نعملها لهم

للتبرع و إغاثة أهل غزة

الدول العربية – مصر
24
المجلس الإسلامي العالمي للدعوة والإغاثة
القاهرة
002024091811
002024092823
25
لجنة الإغاثة الإنسانية/ نقابة الأطباء
القاهرة
002027943166
002024531117
26
اتحاد أطباء مصر/ لجنة الإغاثة والطوارئ
مصر
002027943166
0020227940518

نستااااااااااهل

" فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْمًا فَاسِقِينَ "

غلط في إيه الرااااااااجل

لا أحد يطلب من مصر أن تفتح جبهة أو أن تذهب إلى القتال، وإنما تفتح المعبر ليصل الدواء والماء والغذاء وحتى السلاح لأهلنا فى غزة

يارب

اللهم إني أشكو إليك ضعف قوتي و قلة حيلتي وهواني على الناس، أرحم الراحمين أنت أرحم الراحمين إلى من تكلني إلى عدو يتجهمني أم إلى قريب ملكته أمري، إن لم تكن غضبان علي فلا أبالي، غير أن عافيتك أوسع لي، أعوذ بوجهك الذي أشرقت له الظلمات وصلح عليه أمر الدنيا والآخرة أن ينزل بي غضبك أو يحل بي سخطك، لك العتبى حتى ترضى، ولا حول ولا قوة إلا بالله

احنا مش هما

عشان بس محدش يقول إن النظام السبب مش احنا

* الغاز المصري بيروح هناك بربع تمنه
* مصر تاني مصدر للبترول لاسرائيل بعد روسيا
* و طبعا المعدات العسكرية بتشتغل بالاتنين دول أكيد مش بعصير القصب يعني
* الحاجات دي بتطلع من الأرض ( أرضنا اللي مانستاهلشي نعيش عليها ) بضرايبنا احنا
* و بعدين ياخدها النظام المصري يبعتها ليهم عشان يعملوا بيها اللي بيعملوه ده
* ده كله طبعا غير الموقف الجااااااامد جدا بتاع مصر تجاه الحصار ثم الموقف تجاه الضرب دلوقتي
* ده كله و احنا بنتفرج و فاتحين بقنا

يبقى ميييييييييييييييين المذنب

دلدل راسك .. فأنت مصري

إسرائيل تبدأ العمليات في غزة بعد 24 ساعة من زيارة ليفني للقاهرة

يديعوت أحرونوت : إسرائيل تشاورت مع بعض الدول العربية ( مصر طبعا ) قبل بدء العمليات

عمر سليمان لمسئول إسرائيلي : حماس عصابة و يجب تأديبهم

مصر تغلق المعبر أمام المصابين ... فقط الموتى المسموح لهم بالعبور

أبو الغيط : أطلقنا التحذيرات كثيرا .. و من لا يستمع للتحذيرات عليه أن يتحمل المسئولية

مصر هي الدولة الوحيدة التي رفضت عقد القمة العربية

مصر تمنع طائرات مساعدات قطرية و ليبية من الدخول لغزة عبر معبر رفح

أبو الغيط و طنطاوي يستقبلان قائد القيادة المركزية الأمريكية بعد 48 ساعة من العمليات

أبو الغيط يشن هجوما شرسا على نصر الله و يقول أن الجيش المصري سيتصدى لأمثاله :)...( حلوة دي بصراحة )

كدابيييييييييييييين

يعني بصراحة أنا مش شايف كدبة أوسخ من كدبة أرض بلا شعب لشعب بلا أرض غير كدبة إن مصر حاربت كتيييييير لفلسطين
نفسي حد يفهمني امتى ده حصل ؟؟؟؟؟؟؟؟؟؟؟
حصل في السر يعني من غير ماحد ياخد باله

1948 اتنيلنا بستين نيلة و شاركنا مشاركه وسخة مخزية في الحرب و ضيعنا فلسطين احنا و كل الجيوش العربية .. يعني مش احنا لوحدنا و الناس اللي ماتت من عندنا ماتوا بأسلحة فاسدة

1956 حرب بسبب إن إحنا أممنا القناة

1967 حرب اتجرجرنا ليها بهبل مننا و فلسطين مالهاش علاقة بالموضوع تماما .. بالعكس دي اتاخدت في الرجلين

1973 عشان نتنيل نصلح الهبل بتاعنا في 1967

و في الآخر يقولك مصر ياما حاربت و ماتلها ناس عشان خاطر فلسطين

مش كفاية ان احنا واطييييين و أندال و منايفة ... لأ و كدابين كمان

يا حلاوة يا ولاد

ايه الجمال ده

مش مكفيهم الي عاملينه جوه لأ طالعين يصدروا ذكائهم و عبقرتيهم اللامعة للعالم
ياعيني عليكوا يا سكان الكرة الأرضية .. أذكى سكان الكرة الأرضية جاينلوكوا

اللمبي 2

مش قلتلكم اللمبي

اتفرجوا بنفسكم

رائعة

قال أحد الحكماء لابنه في موعظة : يا بني .. إذا أردت أن تصاحب رجلاً فأغضبه .. فإن أنصفك من نفسه فلا تدع صحبته .. وإلا فاحذره

يا نهار أسود

تحديث
و ده آخر الأخبار

يعني أهوه في حضور الشرطة .. لأ و نائب المأمور هو اللي طلب من سائق اللودر الهدم

ربة منزل فى قنا رفضت ترك بيتها قبل إزالته فهدمه لودر الوحدة المحلية وقتلها فى حضور المسؤولين


هي بقت كده يعني !!!

اللمبي

ما هو أيمن نور اللي يستاهل ... جابه منين ده !!! لأ و جايب معاه كمان رجب جميده ... اشرب بقى

بس الراجل ده حكاية .. ساعة كاملة على العاشرة مساءا مافهمتش منه كلمة واحدة

أو .. أو ... أوباما

فكرني التهليل الشديد لفوز أوباما من العرب و المصريين بهتاف شهير لجماهير الزملك للاعبهم الأشهر شيكابالا و هو " شي .. شي ... شيكابالا " و الحقيقة إن رغم الهتاف فإن شيكابالا ما عملش أي حاجة و الزمالك لسه خيبته بالويبة

بالظبط ده اللي هيحصل مع أوباما .. لأن اساسا الموضوع مش موضوعه .. دي مشكلتنا احنا ...

اهو احنا عملين زي عاهرة لابسه أحلى حاجة عندها و متزوقه على الآخر و نايمه على السرير في وضع إغراء و مستنيه عشيقها يجي ينام معاها و كل مناها أنه يبقى مبسوط

هتفرق ايه بقى عشيقها ده أوباما و لا ماكين طالما بتدي كل حاجة بالساهل

إنما بقى لو لبست هي هدومها و خلته ياخد وقت شوية على ما يقلعها .. و يا سلام لو ساب قرشين عى الكومدينو بعد لما يخلص .. و ياسلام يا سلام لو تقلت عليه و قالت له انه مش هيلمسها إلا لما يتجوزها رسمي..

إنما واحدة رخيصة بتدي كل حاجة بدون أي مقابل .. بتحب الإنحراف يعني

هيفرق ايه بقى ماكين من أوباما غير إن أوباما شاب و هيبسط العاهرة دي إنما ماكين هينام من المغرب

و بعدين بصراحة بقى اللي فاكر إن أمريكا عايزة بجد ديمقراطية عندنا يبقى يا إما أهبل يا إما بيستهبل .. و هنروح بعيد ليه ما حماس جت للحكم بعد إنتخابات حرة .. فين بقى أمريكا الراعي الرسمي و الحصري للحرية و الديمقراطية .. حرب شرسة من القريب و الغريب على حماس و على الفلسطنيين و كانهم بيقولوهم إيه يا كلاب انت صدقتوا ان احنا بنتكلم بجد و لا إيه

أمريكا هي المستفيد الأول و بشراكة مع إسرائيل من وجود الأنظمة العربية الحالية

يبقى إزاي هيتخلوا عنهم يا شوية مجانين

آخر حاجة بقى أنا حاسس أساسا إن أوباما على المستوى الشخصي أوسخ بكتيييييييير من ماكين .. على الأقل ماكين واضح و صريح

نهى رشدي و روث هذه الأمة

تأخرت جدا في التعليق على قضية نهى رشدي .. و لكن الحقيقة سبب التأخير هو إنتظاري لأرى الصورة مكتملة لأني كنت أشعر أن هناك المزيد من المفاجات ..

لا أعلم كيف أصف حجم هذه المأساة التي حدثت لهذه الفتاة .. فقد احتملت روث أمة للأسف تم تحقيرها حتى أصبحت من أحقر الأمم ..

و أول هذا الروث الذي أصابها هو هذا الشاب التي ارتكب الجريمة في حق نهى - و هو الأقل في كل الأطراف في الخسة و الندالة - .. فأبدا هذا الشاب لا يعاني من كبت جنسي فوالله ليس هذا هو السبب فما أسهل حل مشكلة الكبت الجنسي و الكل يعلم هذا .. و لكنه يعاني من القهر و الذل .. يعاني من تحرشات يومية قاسية بإنسانيته و لذلك فإن فعلته هي روث هذا الإستبداد الذي يصرخ من خلالها ظنا منه أنه بهذا يعلن عن قوته بإذلاله لطرف أضعف منه و هي نهى..

أما ثاني هذا الروث فهم الناس سواء الذين التفوا حولهم حين حدثت الواقعة أو أولئك الذين علقوا على الخبر على المدونات أو مواقع الصحف .. حيث حولوا نهى إلي متهمة .. و هم في الحقيقة لا يرونها كذلك و لكنهم قسم منهم روث أراء ما يدعون نفسم بمشايخ السلفية و هم في الحقيقة - بعلمهم أو بغير علمهم - مشايخ للسلطان أو حتى خصيان للسلطان حتى أكون دقيقا في التعبير ... و القسم الآخر هو روث لتربية قذرة و إعلام حقير زرع في الجميع أن من يطالب بحقه يصبح هو الجاني حتى وصلت بهم الحقارة و الخسة و الإنبطاح أن جعلوا من الحسين سيد الشهداء ابن بنت رسول الله خارج عن القانون

أما ثالث هذا الروث فهو الأحقر و هم محبي الشهرة أو أحقر الناس علما و خلقا و لكن لأن المناخ أوجد لمن هم على شاكلتهم البيئة المناسبة ليكونوا في القيادة فكان هؤلاء روث لهذا المناخ و لسان حالهم لماذا نحن لا..

أما سبب كتابتي لهذا المقال فهو شجاعة نهى رشدي في مقاومة كل هذا الروث حتى انتصرت عليهم و أعظم دليل على إنتصارها هو القضية الجديدة التي رفعتها إحدى الفتيات - محجبة و بإسدال و جوانتي - على متحرش جديد

نهى رشدي بالنيابة عن كل هذه الأمة شكرا لكي

فيلم البداية

و رغم إختلافي مع المواقف الأخيرة للكاتب لينين الرملي .. فإن فيلم البداية حاجة في منتهى الإبداع .. ياريت تشوفوه كويس أوي

أنا متضامن مع الإضراب في السعودية

الخبر ده جبته من جبهة التهييس

و أنا متضامن كلية مع هذا الإضراب خاصة أنني أملك قناعة كاملة أن النظام السعودي له الضلع الأكبر في المأساة التي يعيشها الإسلام و المسلمين

و دي تفاصيل الإضراب

لما استنفذت فرق الدفاع عن سجناء تيار العدل و الشورى و حقوق الإنسان (الإصلاح الدستوري و المجتمع المدني) وسعها في حصولهم على مطالبهم الأساسية التي كفلها نظام الإجراءات الجزائية ؛ قرروا الدخول في إضراب عن الطعام لمدة 48 ساعة يومي الخميس و الجمعة 8 و 9 /ذو القعدة / 1429 (الموافق 6 و7/نوفمبر/2008) و ذلك احتجاجاً على انتهاك حقوق المعتقلين وعموم السجناء في المملكة العربية السعودية، الذين حرموا من ما أوجبه نظام الإجراءات الجزائية، وهو
: 1- أن تكون هيئة التحقيق و الادعاء العام هي المشرفة على التحقيق.
2- الحق في توكيل محامي يحضر مرحلتي التحقيق و المحاكمة
.3- المعاملة بما يحفظ كرامة السجين و عدم ايذائه نفسياً أو جسدياً، وعدم ممارسة أي نوع من أنواع التعذيب ضده
.4- إبلاغ المتهم بسبب القبض عليه و التهمه الموجهة له رسمياً
.5- أن لا يتجاوز الحبس الانفرادي شهرين
.6- أن لا يتجاوز الحبس الاحتياطي الستة أشهر
.7- أن يحول المتهم إلى محاكمة عادلة و علنية أو يطلق سراحه بعد انتهاء فترة الحبس الاحتياطي
.8- حق السجين في الزيارة سواء من الأهل أو المحامي أو الأصدقاء.و السجناء من تيار العدل و الشورى و حقوق الإنسان (الإصلاح الدستوري و المجتمع المدني)،
الذين نعلن إضرابنا عن الطعام تضامناً معهم
:-1- البروفيسور متروك الفالح/ أستاذ جامعي، من دعاة العدل و الشورى و حقوق الإنسان, أعتقل في 19/5/2008
2- المحامي سليمان بن إبراهيم الرشودي/ قاضي سابق، من دعاة العدل والشورى وحقوق الإنسان, أعتقل في 14/1/1428هـ، الموافق 2/2/2007م
3- المحامي الدكتور موسى بن محمد القرني/ أستاذ جامعي سابق لأصول الفقه، من دعاة العدل والشورى وحقوق الإنسان, أعتقل في 14/1/1428هـ، الموافق 2/2/2007م
4- البروفيسور عبدالرحمن بن عبدالله الشميري/ أستاذ جامعي سابق للتربية الاسلامية، من دعاة العدل والشورى وحقوق والإنسان, أعتقل في 14/1/1428هـ، الموافق 2/2/2007م
5- الدكتور عبدالعزيز سليمان الخريجي/ من دعاة العدل و الشورى و حقوق الإنسان, أعتقل في 14/1/1428هـ، الموافق 2/2/2007م6- سيف الدين بن فيصل الشريف/ من دعاة العدل و الشورى و حقوق الإنسان, أعتقل في 14/1/1428هـ، الموافق 2/2/2007م
7- فهد الصخري القرشي/ من دعاة العدل و الشورى و حقوق الإنسان, أعتقل في 14/1/1428هـ، الموافق 2/2/2007م
8- عبدالرحمن بن صديق/ من دعاة العدل و الشورى و حقوق الإنسان, أعتقل في 14/1/1428هـ، الموافق 2/2/2007م
9- الدكتور سعود بن محمد الهاشمي/ من دعاة العدل و الشورى و حقوق الإنسان, أعتقل في 14/1/1428هـ، الموافق 2/2/2007م 10- علي بن خصيفان القرني / من دعاة العدل و الشورى و حقوق الإنسان.
11- منصور بن سالم العوذه/ من دعاة العدل و الشورى و حقوق الإنسان, أعتقل 2/12/2007 م الموافق 23/11/1428
هـوغيرهم من سجناء الرأي الآخرين الذين يعانون من انتهاك حقوقهم في السجون السعودية دون الحصول على فرصة في الدفاع عن أنفسهم من خلال تطبيق نظام الإجراءات الجزائية والحصول على محاكمة عادلة ونزيهة.وحيث أن الإضراب لمصلحة مشروعة جائز في الشريعة الإسلامية، وبما هو تعبير سلمي راقٍ، والأدلة عليه متوافرة، من ذلك إقرار النبي صلى الله عليه وسلم في حادثة أبي لبابة الأنصاري رضي الله عنه الذي امتنع عن الطعام والشراب لتحقيق مقصود شرعي، وهو براءته، حتى نزلت الآية بتوبته، ثم فك النبي قيده، (رواه أبو داود في سننه، وابن جرير وابن كثير في تفسيرهما).و قد استجاب بعض الحقوقيين والناشطين (الذين سوف يتم الإعلان عن أسمائهم في وقت لاحق) للدخول في هذا الإضراب.كما أن باب المشاركة فيه مُشْرَع لكل ذوي الضمير الحي من الناشطين والمواطنين على حد سواء، تضامناً مع كافة المعتقلين المنتهكة حقوقهم في السجون السعودية، وعلى الراغبين في الانضمام للمضربين الاتصال بفرق الدفاع المبينة أرقام هواتفهم أدناه.
والله و لي التوفيق
المضربون عن الطعام من فرق الدفاع الموقعون على البيان التضامني مع السجناء:
1- أيمن محمد الراشد/ من دعاة العدل والشورى وحقوق الإنسان.0505288354-
سعود أحمد الدغيثر/ من دعاة العدل والشورى وحقوق الإنسان0559201964-
أ.د.عبدالكريم يوسف الخضر/ أستاذ الفقه المقارن في كلية الشريعة في جامعة القصيم.0503331113-
د.عبدالرحمن حامد الحامد/ أستاذ الاقتصاد الإسلامي.0503774446-
- عبد الله محمد الزهراني/ من دعاة العدل والشورى وحقوق الإنسان.
- عبد المحسن بن علي العياشي/ من دعاة العدل والشورى وحقوق الإنسان.0553644636
- فهد عبدالعزيز العريني/ من دعاة العدل و الشورى و حقوق الإنسان.0502566678 email:fahadalorani@gmail.com - فوزان محسن الحربي/ من دعاة العدل و الشورى و حقوق الإنسان.0501916774 email: fowzanm@gmail.com9-
د. محمد فهد القحطاني/ أستاذ جامعي و إعلامي.0555464345 email: moh.alqahtani@gmail.com
- مهنا بن محمد الفالح.0505388205-
ناصر بن سالم العوذة.
- هاشم عبد الله الرفاعي/ كاتب من دعاة العدل والشورى وحقوق الإنسان.
- وليد سامي أبو الخير/ كاتب وباحث وقانوني من دعاة العدل والشورى وحقوق الإنسان.0567761788 email: abualkair@gmail.comفاكس 014272168أ
أسماء الدفعه الاولى من المستجيبين لنداء الإضراب عن الطعام احتجاجا على إنتهاك حقوق سجناء الرأي1. إبراهيم مقيطيب المقيطيب جمعية حقوق الإنسان أولا – السعوديه2. إيمان عبدالرحمن الشميري إبنة سجين الرأي الدكتور الشميري3. ثامر عواض الطويرقي من دعاة العدل و الشورى و حقوق الانسان4. حسين مهدي اليامي ناشط في حقوق الإنسان5. حمد سالم آل سالم ناشط في حقوق الإنسان6. ريم عبدالله القحطاني مدونه و معلمه و شاعره7. سعيد هادي آل منصور ناشط في حقوق الإنسان8. سليم معزي العوذه مهتم بالشأن العام9. سميره بيطار ناشطه إجتماعيه10. صالح ابراهيم الصويان ناشط في حقوق الإنسان11. صالح علي عامر ناشط في حقوق الإنسان12. صفاء عبدالرحمن الشميري إبنة سجين الرأي الدكتور الشميري13. صلاح الدين عبدالرحمن الشميري إبن سجين الرأي الدكتور الشميري14. أ.د عبدالله الحامد/ أبو بلال أستاذ جامعي سابق في جامعة الإمام15. عبدالرحمن علي حركاتي من دعاة العدل و الشورى و حقوق الإنسان و مدون16. عصام أحمد مدير إعلامي و باحث في مقارنة الأديان17. علي محمد اليامي ناشط في حقوق الإنسان18. عمر عبدالرحمن الشميري إبن سجين الرأي الدكتور الشميري19. محمد حديجان الحربي ناشط من دعاة العدل و الشورى و حقوق الإنسان20. محمد عبدالله الدريبي مهتم في الشأن العام21. مسفر صالح الوادعي كاتب من دعاة العدل و الشورى و حقوق الانسان22. مها عبدالرحمن القحطاني ناشطة في حقوق الإنسان23. لينا عبدالرحمن الشميري إبنة سجين الرأي الدكتور الشميري, طالبه جامعيه24. نجلاء عبدالرحمن الشميري إبنة سجين الرأي الدكتور الشميري 25. نورة علي الرويتع طالبه جامعيه26. د. وجنات عبدالرحيم الميمني أستاذة أصول فقه و زوجة سجين الرأي د. الشميري

حـــــــــــــــل الفزورة

حل الفزورة

معجزة محمد صلى الله عليه و سلم أنه بلا معجزة ... هكذا ببساطة و بوضوح ... نعم محمد صلى الله عليه و سلم تجربة بشرية خالصة تخلو تماما تماما من المعجزات الخارقة المغيرة للأحداث .
فهو رجل اجتمعت فيه كل صفات الخير فرفض ما وجد قومه عليه و ظل يبحث عن الحقيقة حتى وجدها .. فاستخدمه الله عز وجل لإصلاح الأرض فقاد أمة متخلفة ظالمة تخون الأمانة و تنتهك الحرمات و تستقوي على الضعفاء ... قادهم ليقودوا العالم كله لأفضل فتراته في العدل و الرحمة و كل هذا بطريقة بشرية خالصة .

قد يقول البعض و أين الإسراء و المعراج و أين خروجه أمام كفار مكة يوم الهجرة بدون أن يرونه .. فأقول لهم نعم إن الإسراء و المعراج معجزة خارقة للطبيعة فعلا و لكنها ليست ذات تأثير على مجرى الأحداث و إنما كانت رحمة من الله عز و جل بعبده و حبيبه و مصطفاه بعد أن فقد درعه أبو طالب و سنده خديجة و بعد رحلة الطائف و ما حدث فيها فأراد الله أن يخفف عنه و أن يخبره أن سيد ولد آدم فجعله يؤم الأنبياء في الصلاة و هم خير المصلحين في هذه الأرض و محمد خيرهم و جعله يدخل إلي سدرة المنتهى و التي وقف عندها الروح الأمين و لم يتخطاها ... أما بالنسبة لخروجه يوم الهجرة أمام كفار مكة .. نعم هي معجزة مغيرة في مجرى الأحداث و لكنها ليست بالمعجزة الخارقة و لكنها هدية الله عز و جل و توفيقه لكل مجتهد في اتخاذ أسباب النجاح و لو بحثتم في أحداث حياتكم لوجدتم معجزات بسيطة كهذه تحدث لكم باستمرار ، و أنا شخصيا حدثت لي مثل هذه الأشياء كثيرا كثيرا .
و أين هذه الأشياء من معجزة فرق البحر لموسى و التي لولاها للحق به فرعون و معجزة تغيير النار لخصائصها حتى لا تحرق إبراهيم و معجزة سفينة نوح التي حملته و من معه فأنقذتهم من الطوفان العظيم و معجزة خلق عيسى ... كل هذه معجزات خارقة و فارقة تماما في مجرى الأحداث .

إذن ما السر في نجاح محمد صلى الله عليه و سلم بهذا الشكل لدرجة أن جعل بعض المنصفين من الغرب يؤكدون أنه الرجل الأكثر تأثيرا في البشرية و هنا تكمن المعجزة ... إنه القرءان ... و لكن القرءان معجزة اختيارية .

القرءان معجزته ليست أنه كلام بليغ نزل على قوم يتقنون البلاغة فانبهروا به .. أبدا و الله ... القرءان معجزته أنه قائد و دليل و مهذب للنفوس و مربي و هو الذي مكن محمد صلى الله عليه و سلم من أن ينقل أصحابه مما كانوا فيه لما أصبحوا عليه .
خلاصة هذا الكلام ... أن القرءان معجزة نعم و لكنها إختيارية بمعنى أننا لو اتبعنا القرءان لاستطعنا أن نكرر هذه التجربة ... و بكل ثقة نعم نستطيع أن نكرر هذه التجربة ... و لهذا أراد الله عز و جل أن تكون التجربة الأساسية بشرية خالصة ليعلنها و بكل وضوح أنها قابلة للتكرار .. كل ما علينا أن نقرأ القرءان ... نقرأه بتدبر ... نقرأه بعقولنا و قلوبنا و ليس بألسنتنا ... و ما نفهمه منه نعمل به فورا .. و هذا هو الشرط الوحيد لتكرار التجربة .

فهل نستطيع أن نكون مثل محمد صلى الله عليه و سلم و أصحابه ، محمد ... لا نستطيع فهو هو و لكننا نستطيع أن نكون مثل أصحابه .. و لم لا طالما اتبعنا نفس السبب الذي مكنهم من النجاح فقط إقرأوا القرءان بعناية و تدبر
" وَلَقَدْ يَسَّرْنَا الْقُرْآنَ لِلذِّكْرِ فَهَلْ مِن مُّدَّكِرٍ"

أكتب هذا المقال في هذه الأيام لأنني أعرف أننا كلنا اقتربنا و بشدة من القرءان في الأيام الماضية .. و أعرف أيضا و للأسف أن معظمنا سيبتعد عنه في الأيام القادمة .. لذا أرجوكم .. أرجو كل من يريد الإصلاح في الأرض .. أرجو كل من يريد لبلاده أن تنهض ... هذا هو الطريق و لا طريق غيره
"ذَلِكَ الْكِتَابُ لاَ رَيْبَ فِيهِ هُدًى لِّلْمُتَّقِينَ"

إقرأوا و لو صفحة كل يوم و تدبروا ما فيه و اعملوا بما يأمر سنكون بإذن الله عز و جل في أول طريق الإصلاح
"إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ"

فوازير رمضان

لحد لما أكمل ألف ليلة و ليلة بناءا على طلب المشاهدين :)

هناخد فاصل صغير مع فوازير رمضان

الفزورة هي :

لكل نبي من أنبياء الله معجزة ... فما هي معجزة سيدنا محمد عليه الصلاة و السلام ( غير القرءان ) ؟

يلا بقى ورونا الشطارة

منك لله

البقاء لله في كرامة المصريين

منك لله

يمكن يفهم

الأستاااااذ سيد حجاب أوجز فأنجز

" لا ابن الحلال يتربى من مال حرام

و لا للضلالي ابن الحرام احترام "

يمكن البعيد يفهم ليه الناس بتكرهه حتى و لو ماشافتش منه حاجة

دور على دورك الحقيقي

" كي تصل إلي كنزك عليك أن تكون يقظا للعلامات ، فقد كتب الله قدرنا على جبيننا ، و اختار لكل منا الحياة التي عليه أن يحياها ،و ليس عليك إلا أن تقرأ ما كتب لك "

باولو كويلو في الرواية الأروع " الخيميائي "

الدويقة

برضه جتلي على الايميل

لمساعدة اهالي (الدويقةً)
تحضير وجبات + مساعدات اخري تحت اشراف الجمعيات التالية
جمعية بيت العيلة للى عايز يودى اكل و فلوس للى في الدويقة22611001
جمعية سما 0101113461
جمعية رسالة نور على نور 0128602602
جمعية البداية المتواجدة بالمنطقة 0112727789
أو أشرف مهدى 0101697181
سألناهم هناكقالوا أهم حاجة الميةمحتاجين كتيرثم اللبن والعصيروالحصير للخيموحد يحسسهم إنهم بنى آدميين------------ --------- ----------------- --------
لمساندة المنكوبين في حادثة الدويقة ،
دار الاورمان تقدم فرش لجميع المساكن التي ستوفرها الدولة حتى 500 شقة عبارة عن غرفة نوم - انتريه - مطبخ - بوتجاز - ثلاجة ، بالإضافة إلى 100 ألف جنيه نقداً وأي كمية من البطاطين والمواد الغذائية و2 شقة متوفرة حالياً جاهزة للسكنللتبرع للمتضررين ، إتصل على 19455 . اطمئن, التسليم بيد دار الاورمان للمستفيد مباشرةً دون وساطة أي جهة . أضعف الإيمان انشرها، يصلك الثواب------------ --------- ----------------- --------
سيتم النزول وعلى مدار 4 ايام توزيع الأفطار على الأهالى والمشاركه في افطارهم وتوزيع كراتين طعام وعصائر ومياه للمشاركه اتصل على 19450 فرع رساله المهندسين وسجل اسمك واعرف الميعاد وشارك الثوابولا تنسوا ' من فرج عن مسلم كربة من كرب الدنيا فرج الله عنه كربة من كرب يوم القيامة------------ --------- ----------------
دلوقتى احنا اتصرفنا في اكل للناس اللى في الدويقةبس في تقريبا مائة عائلة في حديقة الفسطاطعلشان كده احنا عاملين حملة 7 ايامنجمع اكبر رقم ممكن علشان ننقذ ولو حتى عيلتينيا ريت الناس متقراش الماسج دى و خلاصربنا حيسألكوا انتوا عملتوا ايه لاخواتكم في محنتهم ؟؟؟؟؟؟؟؟؟؟؟؟؟؟؟للتبرع1- تليفونيي 01117587802- صناع الحياةأ/شادى0111230423

الحصاد

رسالة وصلتني على الإيميل لرصد الحصاد المخزي للخمس و عشرين سنة الماضية:

الأحوال المالية
ديون : إجمالي 614 مليار جنيه
الفقر : 35% من الشعب تحت خط الفقر,أقل من1 دولار في اليوم
نقود مهربة : 300 مليار دولار خرجت من البلادالجنيه المصري :
الدولار= 85 قرش سنة1981م و 6 جنيهات سنة 2005

الأحوال الصحية
السرطان : تضاعف 8 مرات ..
أعلى نسبة في العالم الذبحة الصدرية :20 % من الحالات شباب تحت الأربعين
البلهارسيا : أعلى نسبة في العالم
السكر : ‏7‏ ملايين .. ‏10 %‏ تقريبا من عدد السكان
التهاب كبدي : 13 مليون.. 20 % من الشعب
فشل كلوي : أعلى نسبة في العالم
شلل الأطفال : موجود في 6 دول في العالم فقط منهم مصر
الإكتئاب : ‏20‏ مليون مواطن
امراض نفسية ( أخرى) : ‏6‏ ملايين
التدخين : 80% من البالغين مدخنين
التلوث : أعلى نسبة في العالم...تلوث للهواء ومياه الشرب والتدهور في التربة والمناطق الساحلية..
خسائر 30 مليار جنيهالانفاق الحكومي على الصحة: 10دولار للفرد سنوياً

الأحوال الاجتماعية
القضايا : 20 مليون قضية بالمحاكم ..أقدمها من 38 عام حتى الاّن
البطالة : 29% من القادرين على العمل..حوالي 5 مليون شاب
الانتحار : 3 اّلاف محاولة سنوياً
حوادث الطرق : 6 آلاف قتيل سنويا و 23 الف مصاب
الطلاق : 28% من حالات الزواج سنوياً .. 20% في العام الأول
العنوسة : 7 مليون عانس .. 4 مليون فوق 35 عام
الهجرة: 4 ملايين مهاجر : 820 ألفاً من الكفاءات و 2500 عالم في تخصصات شديدة الأهمية!!! 6 ملايين طلب هجرة للولايات المتحدة وحدها سنة 2005ا
الأُمية: 26% من الشعب المصري، 7% من الأطفال لا يدخلون المدارس بسبب الفقر ..غير الهاربين بعد الدخول
التعليم : دروس خصوصية ، كتب خارجية ، جامعات خاصة للربح فقط
عمالة الأطفال : نصف مليون طفل
أطفال الشوارع : تقربر الأمم المتحدة : 100 ألف طفل
عشوائيات: 45% من الشعب يسكن العشوائيات..، 35 منطقة عشوائية بالقاهرة فقط
موظف الحكومة : تحت خط الفقر ويؤخذ منه ضرائب. (متوسط دخل الموظف ستة جنيهات يومياً(
المخدرات : 6 مليار دولار سنوياً في تجارة المخدرات

مشاكل أخلاقيةرشوة، محسوبية، بلطجة، توريث المهن، عُري، زواج عرفي، قتل الأزواج، امتهان وتحرش بالنساء، ألفاظ بذيئة، صحافة جنسية، غش جماعي، وجريمة، و تسول

الأحوال السياسية
سيطرة وفساد النخبة الحاكمة، مراكز قوى، الإعداد لتوريث الحكم، تزوير انتخابات، قمع المعارضة، اعتقالات، تعذيب حتى الموت، انتهاك لحقوق الإنسان، إلغاء دور النقابات والجمعيات الأهلية

مشاريع قومية متوقفة او خاسرةا
لقضاء على الأمية قبل عام 2000 ،
زراعة الصحراء الغربية بالقمح ( مشروع اليابان )،
وادي السليكون،
محطة الطاقة النووية،
جامعة د/ أحمد زويل التكنولوجية،
فوسفات أبو طرطور, وادي توشكى، أكثر من 2,3 مليار جنيه خسائر بشركات القطن و 8 مليارات جنيه خسائر شركات الغزل والنسيج و 12 مليار جنيه العجز الإجمالي لسكك حديد مصر، خسائر 10 مليارات جنيه بقطاع الإذاعة والتلفزيون

الأزمــــــــــــــات
فساد ,تعليم، إسكان، زواج، بطالة، صحة، أخلاق، ضمير، مرور، مياه نظيفة، صرف صحي، البناء على الأرض الزراعية، تصحر، زحام، غلاء, انخفاض احتياطي النقد

الأرض الزراعية
تم تجريف مليون و200 ألف فدان كانت أرض خضراء لمدة5000 سنة من أصل 6 مليون فدان مساحة مصر الكلية تقريبا

الأمن والشرطة
قانون الطوارىء : 25 سنة طواريء ..في خدمة الشعب

لـكِ الله يامـصـــر

الحمد لله

الحمد لله قيوم السماوات و الأرض و من فيهن

الحمد لله حمدا كثيرا طيبا مباركا على إبتلاءته التي هي في الأساس نعم كبيرة و فضل عظيم و لكن عقولنا بعجزها و نفوسنا بضعفها تعجز عن فهم هذه الحقيقة إلا من رحم ربي

حسبي الله و نعم الوكيل

مش حرام كده بقى

نفسي أعرف هيقف إزاي قدام ربنا

هتوحشينا أوي

أنا عارف قد إيه انت دلوقتي مبسوطة ... لأ مش عارف و عمري ما هأقدر أتخيل السعادة اللي انت فيها دلوقتي .. جايز تكوني دلوقتي بتلعبي مع إبراهيم ابن محمد عليه الصلاة و السلام و جايز يكون سيدنا محمد نفسه هو اللي بيلاعبكوا .. أو يمكن تكون السيدة مريم واخداكي في حضنها أوي قبل ما تديكي للسيدة خديجة عشان تحضنك هي كمان ... و يمكن كمان أجمل من كده بكتيييييييييييير
و أكيد أكيد انت ارتحتي ... بس انت بجد هتوحشينا أوي أوي أوي
إن العين لتدمع و إن القلب ليحزن و إنا لفراقك لمحزونون

يا رؤوف يا ودود يا رحمن يا رحيم يا الله يا الله يا الله
صبر أهلها و ثبتهم و قويهم على الإبتلاء الصعب ده
فإنك نعم المولى و نعم النصير

مهرجان رمضان

كنت رشحتلكم قبل كده برنامج عمرو خالد و الآن بعد 8 أيام .. اللي طلعت بيه من المهرجان اللي حاصل على كل القنوات و كل الالوان برضه الآتي


خواطر 4 برنامج لأحمد الشقيري على قناة الرسالة الساعة 6 يعني وقت الإفطار .. البرنامج ده جااااااااااامد جدا .. لازم تشوفوه .. هوه برنامج ثقافي مش ديني أو يمكن يكون أقرب لشوية تدوينات بالصوت و الصورة

قصص القرءان لعمرو خالد على قناة الرسالة الساعة 10 ... و الحقيقة ان البرنامج كويس جدا و أنا حاسس إن عمرو خالد مختلف المرة دي عن الفترة السابقة

مسلسل قمر بني هاشم على قناة الحياة مسلسلات الساعة 2.30 صباحا .. و أول مرة أشوف دراما سورية ... و بصراحة بقوا جامدين جدا .. المسلسل رائع .. تابعوه

أخيرا بقى مسلسل هيما عشان بحب بلال فضل و بس

كـــــــــــــــــــــــــــــل الباقي أونطة حتى يحي الفخراني... متضيعوش وقتكم فيهم

الحلقة الثالثة بعد المائة الرابعة

الحلقة الثالثة بعد المائة الرابعة

فوجئ قمريار بامرأة أخرى في منتهى الجمال ..بشرتها الناعمة قمحية اللون و شعرها أسود طويل يصل إلي منتصف ظهرها و كانت ترتدي فستان أخضر طويل .. من جمالها لم يستطع أن يرفع عينيه من عليها منذ دخلت من الباب و حتى جلست على كرسي السلطانة و على وجهها إبتسامة ثقة تنبئ أنها معتادة على هذه النظرات المنبهرة العاشقة فدائما و أبدا ما كانت حلم لكل رجل يراها ..
- انت عايز تقابلني ليه ؟
نطقت بها قمرزاد فأفاق قمريار من شبه الغيبوبة التي دخل فيها و قال لها :
- أأنت قمريار سلطانة هذه البلاد ؟
- نعم أنا هي .. ماذا تريد إذن ؟
نطقتها بحدة فتلجلج قليلا في الرد عليها و لكنه استجمع كل شجاعته و ساعده على هذا جمالها الذي أشعل نيران الرغبة بداخله
- جئت أطلب يدك لتكوني زوجتي
قالها و هو يتمايل قليلا للأمام في حركة تبدي ثقته بنفسه و وعد غير منطوق بسعادة مستقبلية.. و لكن ضحكة مدوية انطلقت منها جعلته يعتدل في وقفته .. و تبادلت هي و المرأة الأخرى النظرات و هما يضحكان و قالت له
- ايه .. انت ما سمعتش عني في البلد قبل ما تطلعلي هنا و لا إيه
فرد عليها بحدة و قد أثاره إستهزائها به
- طبعا سمعت .. بس أنا مش من بلدكم .. أنا من بلد كلها رجالة .. و أكيد أكيد هتكوني مبسوطة معايا
قالها بحدة و ثقة جعلتها تنظر له مليا و تحولت ضحكتها المستهزءة لإبتسامة خفيفة
- هنشوف ... بس تعرف شروطي الأول
أعجبه رد فعلها على كلامه و أحس أنه أشعرها بقوته .. فقال لها
- أي شروط مهما كانت أنا موافق عليها و أوعدك إنك مش هتندمي على جوازك مني
- طيب بس ما تستعجلش .. اعرف الشروط الأول و بعدين خد قرارك
قالتها و قد شعرت أنه قد يكون مختلف عن الآخرين و لا تعلم لماذا شعرت بهذا .. قد يكون إحساس المرأة الذي لا يخطئ أبدا .. و لكنها لن تتعجل .. فقد رأت الكثير
- عوييييييييييييييسسسسسسسسس
نادت بأعلى صوتها .. فدخل حارس من منكسي الرأس إياهم فقالت له
- اذهب بالضيف إلي الجناح الملكي ليستريح و يستعد للغذاء
ثم أشارت إلي قمريار بأن يذهب معه و قالت له
- بعد الغذاء سنكمل حديثنا .. اذهب لتستريح
قالتها بابتسامة مختلفة تماما عن الإبتسامة الأولى التي قابلته بها و شعر قمريار بإختلاف الإبتسامة فزادته ثقة على ثقة و سرح في ماهية هذه الشروط و إذا بيد غليظة توضع على كتفه ....

أهم الأنباء 2

الخبر ده منشور في المصري اليوم

«الجبهة» يطالب «الداخلية» بالتحقيق مع ضابط بتهمة تحريض «سلفيين» علي قتل وكيل مؤسسي حزب ليبرالي

يمكن نفهم بقى سر العلاقة الحميمة بين السلفيين و الحكومة
يمكن نفهم اشمعنا مشايخهم عايشين منورين مصر و القرضاوي و غنيم و غيرهم ممنوعين من دخول البلد
يمكن ناخد بالنا من قنواتهم اللي كل يوم بتفتح الناس و الرحمة و الحكمة و غيره و غيره و اشمعنا اليومين دول بالذات بعد حالة الحراك السياسي الكبيرة التي حدثت في البلد

الحلقة الثانية بعد المائة الرابعة

الحلقة الثانية بعد المائة الرابعة

بدأ قمريار رحلة المجهول بالصعود لقلعة السلطانة قمرزاد و التي تقع أعلى قمة جبل يحيط بالبلد .. و عندما وصل إلي القلعة وجد بابها بابا معدنيا عظيما فمد يده و حرك الحلقة المعدنية الكبيرة الموجودة على الباب ليطلب الإذن بالدخول للقلعة ... ففتح الباب على حارس ضخم الجثة مفتول العضلات و لكن الغريب في هذا الحارس أنه كان منكس الرأس و نظراته كلها منكسرة و حزينة ..تغلب قمريار على دهشته و قال له : أنا هنا لأتقدم للزواج من سلطانة البلاد .. فلمح عند نهاية ما قاله دموع تتلألأ في عيني هذا الحارس الذي أشار له بالدخول بدون أن ينطق بأي كلمة و إن أصبحت الدموع المحبوسة في عينيه حرة تنساب على وجهه .. و أشار له الحارس إلي باب موجود في نهاية سلم طويل إشارة فهم منها قمريار أن هذا هو الطريق الذي عليه أن يواصله .. فصعد السلم حتى وصل للباب فطرق عليه ففتح له حارس لا يختلف عن سابقه كثيرا غير أنه أوسم شكلا و لكنه أيضا كان منكس الرأس ذليل و حزين .. و بنفس الطريقة أشار له الحارس بمواصلة طريقه عبر دهليز طويل ينتهي إلي بوابة عظيمة وقف عليها رجلين عظام بنية الجسد و لكنهما لا يختلفان عمن سبقوهما فأوجس في نفسه خيفة أن يصبح مصيره مثل هؤلاء خاصة أنه لا يدري ما السر الذي جعل أعظم الرجال بهذا الانكسار و الذل .. و لكنه تغلب على خوفه و طلب من الحراس مقابلة السلطانة ليطلب يدها ففتحوا له الباب الذي يدخل على جناح السلطانة .. فوجد قمريار الجناح عظيم و جميل و مبهر .. مربع الشكل جانبيه الأيمن و الشمالي عبارة عن شباك ضخم من الزجاج يطل على حديقة رائعة مناظرها خلابة يمتزج لونها الأخضر الرائع مع لون السماء الصافية فأحس قمريار براحة نفسية كبيرة ...و يوجد أمام كرسي العرش نافورة عظيمة أضافت جمالا فوق جمال للجناح السلطاني .. و الجناح ممتلئ بالورود من كل نوع و شكل جعلت رائحة الجناح كرائحة الجنة خاصة أنها ممتزجة بموسيقى هادئة لا يعلم قمريار من أين تنساب و لكن كل هذا جعله متمسك أكثر بالتحدي و نسي كل مخاوفه ... و فجأة انفتح باب جانبي و دخلت منه امرأة في منتهى القبح و القوة كانت أقرب للرجل منها للمرأة إلا أن هناك بعض التضاريس الباقية في جسدها دلته على أنها امرأة ..فأصابته دهشة ممزوجة بغم شديد .. لقد أخذ أكبر مقلب في حياته .. أهذه هي السلطانة ..و لكن فجأة ازدادت دهشته حيث فوجئ ....

تعليق على أهم الأنباء

تعليق على كل أحداث اليوم المحزنه
ليس تعليقي و لكنه مقال رائع لإبراهيم عيسى أنقله كاملا كما هو

أحلام وكوابيس مصرية!


الشارع الجانبي لا يخلو من مارة وأناس في الشرفات، والسيدة تسير علي مهل وتقف أحيانا أمام معارض الأزياء.يتعرض لها أربعة شبان دون العشرين، تتجهم في وجوههم وتبتعد عن طريقهم، ينقضون عليها ويعبثون بها، تقاوم والناس تتفرج دون أي مبادرة.. الشبان يمزقون ثوبها ويعرون أجزاء من جسدها، السيدة تصوت مستغيثة، راقبت ما حدث فتوقفت عن السير وملكني الارتياع والاشمئزاز وددت أن أفعل شيئاً أو أن يفعله غيري ولكن لم يحدث شيء، وبعد أن تمت المأساة وفر الجناة.. جاءت الشرطة، وتغير المكان فوجدت نفسي مع آخرين أمام مكتب الضابط، واتفقت أقوالنا، ولما سئلنا عما فعلناه كان الجواب بالسلب وشعرت بخجل وقهر، وكانت يدي ترتجف وهي توقع بالإمضاء علي المحضر.إلي هنا انتهي حلم كاتبنا الراحل نجيب محفوظ الذي حمل رقم 21في كتابه الفذ أحلام فترة النقاهة، وعلي طريقة فيلم «نهر الحب» وحلم فاتن حمامة الشهير حيث تقف بسيارتها أمام المزلقان مع قدوم القطار وتتعطل السيارة مع عدم قدرتها علي فتح الباب وصراخ ابنها عليها حيث قال الدكتور وهو يحلل الحلم إن ابنها هو الكائن اللي بيربطها بالحياة والسيارة هي حياتها المقفولة الكئيبة والقطار هو رغبتها في الموت وجرس المزلقان هو ضميرها، علي هذه الطريقة الفرويدية الفتونة حمامية (نسبة إلي فرويد وفاتن حمامة) أشرح حلم نجيب محفوظ بأن السيدة هي مصر التي يغتصبها صبيان السياسة والحكم وصبية البزنس ومليارديرات التوريث، ومع ذلك فالشعب يري اغتصاب البلد وسرقته ونهبه وهو عاجز يكتفي بالفرجة!هذا هو تفسيري لحلم نجيب محفوظ لكن هناك تفسيرا آخر أوضح وأكثر خزقا للعين فهو لا يتحدث عن أحلام بل واقع مهبب كتب عنه مفكرنا الرائد (الرائد بجد مش علي طريقة إعلامنا الرائد ) دكتور جمال حمدان في كتابه الموسوعي المؤسس شخصية مصر قال بالحرف الواحد (الحقيقة بعد هذا أن مسئولية الطغيان الحاكم تتضاءل بدورها أمام مسئولية الشعب نفسه، الشعب -ولا أوهام في هذا-هو المسئول الأول والأخير، الأصلي والأصيل، حتما وبالضرورة، فإذا كان الحكم في مصر مأساة أو ملهاة، كارثة أو مهزلة، فإن سببها الشعب وحده نظريا وعمليا، وكم كان الكواكبي صحيحا صادقا حين قال إن مبعث الاستبداد هو غفلة الأمة، ومرفوض هو المنطق الانهزامي المعكوس الذي يعتذر للشعب أو عنه بأنه مغلوب علي أمره لا قدرة له علي الثورة، مكبل أعزل من السلاح.. إلخ، فالطغيان لا يصنعه الطاغية، وإنما الشعب هو الذي يصنع الطاغية والطغيان معا، والشعب مسئول عن الطغيان مسئولية الطاغية نفسه وزيادة، المثل الشعبي المصري نفسه يقول: «قال يا فرعون من الذي فرعنك؟ قال:لم أجد من يمنعني» والمثل الانجليزي المعروف يقول: «القوة المطلقة مفسدة مطلقة»، كل سلطة فهي مفسدة ليست مفسدة فقط، بل مذهبه للعقل أيضا، يمكن للحاكم من خلالها أحيانا أن يري كل حق باطلا وكل باطل حقا، وفي كل شيء عكس ما كان يراه من قبل بغيرها، ومن هذه الزاوية فإن الشعب لا يعفي من اللوم، وليس له إلا أن يلوم نفسه أساسا، فهو الجاني مثلما هو المجني عليه، الفاعل والضحية، ظالم لنفسه كما هو مظلوم بحاكمه..بل لعل الأوضاع السيئة التي يتردي فيها وإليها كل يوم أن تكون العقاب الطبيعي المستحق لتفريطه في حق نفسه وتهاونه في الدفاع عن حريته وكرامته وعزته وسيادته، فالحاكم الرديء الطاغية إنما هو عقاب تلقائي وذاتي لشعبه الذي سمح له بأن يكون ويبقي حاكما(وقديما كان قادة التتار والمغول من عتاة السفاحين والطغاة يتوعدون ضحاياهم بقولهم عن أنفسهم أنهم لعنة الله علي الأرض أرسلهم نقمة وعقابا!) أي أن خير عقاب لمصر دائما علي ما هي فيه، هو ما هي فيه بالفعل، وكأنها بهذا أيضا تعاقب نفسها بنفسها بانتظام، والحديث يقول: «كما تكونوا يول عليكم»، بينما يذهب القول الفرنسي المأثور إلي أن «لكل شعب الحكومة التي يستحقها وأخيرا وليس آخرا» فقل لي من حاكمك، أقل لك من أنت، «قل لي من الحاكم، أقل لك من الشعب».والله العظيم ثلاثة هذا ما كتبه دكتور جمال حمدان في شخصية مصر، ولا أملك بعد ذلك إلا أن أقول له كما يقولون لأشهر شخصية في مصر محمد أبوتريكة: الله عليك تسلم رجليك!

أهم الأنباء

و نقطع مسلسل ألف ليلة و ليلة لنذيع عليكم أهم الأنباء ... على موقع مصراوي فيه خبرين تحت بعض علطول

ارتفاع عدد ضحايا الانهيار الصخرى بالدويقة الى 31 قتيلا ..وتحذيرات من تكرار الكارثة

طنطاوي: الحمد لله الذي رزق مصر مبارك ليجنبها الفتن والمصائب



و بهذه المناسبة فإن مطاعم خد فطيرك ترحب به و تقدم له خصومات و خدمات خاصة جدا بصفته عميلها الأول

ألف ليلة و ليلة ( الحلقة الأولى بعد المائة الرابعة )

الحلقة الأولى بعد المائة الرابعة

كان يا ما كان في بلاد بعييييييييدة كان بيحكم هذه البلاد سلطانة اسمها قمرزاد كانت سلطانه عظيمة و كان أهل البلد بيحبوها جدا و بيحبوا كل اللي بتعمله إلا حاجة واحده بس منغصه عليهم حياتهم ، و الحاجة دي إنها كل لما تتجوز راجل من أهل البلد اللي بيتقدموا لها يا إما يختفي هذا الزوج و تعلن السلطانة طلاقها منه .. يا إما ينزل هذا الزوج من قصر السلطانة صامت تماما لا يتحدث مع أي أحد .. فقط يحزم أمتعته و يترك البلد و يرحل .. و تعلن السلطانة أيضا أنها طلقت منه و أنها حرة إذا أراد أحد أن يتقدم لها ... بدأ الأمر يزداد سوءا و بسببه بدأت العلاقة تسوء بين أهل هذه البلد و بين السلطانة لأن هذا الأمر أصبح عبئا عليهم .. كما أنه شاع في البلاد المجاورة حتى اشتهرت هذه البلد بأنها البلد اللي مافيهاش راجل ..
و في يوم من الأيام مرت قافلة عظيمة على هذه البلد و دخلت القافلة البلد لتستريح لأيام ثم تواصل رحلتها و كان من بينهم شاب جميل الشكل قوي البنية لبق الحديث راجح العقل يدعى قمريار .. و أثناء جلستهم على إحدى قهاوي البلد سمع قمريار بحكاية سلطانة البلاد الغريبة بالإضافة لبعض البهارات من أهل البلد و التخمينات عن أسباب فشل هذه الزيجات بأن هؤلاء الرجال لا يعجبون السلطانة في اللامؤاخذة يعني ...فأخذت الرجل العزة بشبابه و الحقيقة إنه كان شايف نفسه شويتين ..فاستفز تماما مما سمعه و قرر قرار خطير ... قرر أنه لن يكمل الرحلة مع قافلته و أنه سيصعد ليتقدم للزواج من هذه السلطانة ليريها كيف يكون الرجال ...و خصوصا أنه لو نجح في هذا فسيصبح هو سلطان هذه البلاد .
و عندما صرح برغبته هذه لأهل البلده قرروا أن يشجعوه .. يمكن يخلصوا من هذا الموضوع .. فعزموا أمرهم أن يقيموا له حفلة عظيمة .. تقديرا منهم لقراره و تشجيعا له حتى لا يغير رأيه ... و بالفعل أقاموا له حفلة عظيمة مليئة بالولائم الرائعة من أسماك البحر و الطواجن العظيمة من اللحوم بجوزة الطيب ...فعزم الرجل أمره و قرر أن يواجه هذا المجهول مدعوما بثقته الكبيرة بنفسه و بتشجع أهل البلد العظيم له .. و بدأت الرحلة صبيحة الإحتفال الكبير و بدأ قمريار رحلة الصعود للقلعة ....

عمرو خالد

قبل ما أبدأ في ألف ليلة و ليلة و رغم إختلافي الشديد مع عمرو خالد حاليا .. لكني أنصحكم و بشدة برؤية برنامجه قصص القرءان و خصوصا حلقة أصحاب الأخدود

على الرسالة و المحور الساعة 10 مساءا أو من على موقعه الشخصي
www.amrkhaled.net

و متهيألي في إعادة تانية على المحور الساعة 3.15 الفجر

ألف ليلة و ليلة

بمناسبة رمضان

ترقبوا فقط و حصريا على " أنا و دماغي "... ألف ليلة و ليلة بشكل مختلف تماما

قريبا جدا

ألف ليلة و ليلة ... كل ليلة ليلة .. ألف ليلة و ليلة ...

كل سنة و انتم طيبين

كل سنة و انتم طيبين
بمناسبة رمضان ... يمكن نفهم الدين على حقيقته و نخلص بقى من المظهرية و الموضة و الغم ده
بمناسبة جامع عمرو بن العاص اللي ناس بتسيب زبالتهم و ياقي أكل فطارهم في بيت ربنا و ساعة ما يشتغل الدعاء تلاقي النهنهة على آخرها ...
بمناسبة الجوامع اللي ملاينه على آخرها في صلاة التروايح و التهجد .
بمناسبة الشباب و البنات اللي لازمن و لابد يروحوا يصلوا التراويح و هما أساسا مابيركعوهاش
بمناسبة موسم قناة الناس و الرحمة و الحكمة و اللي شبههم و موسم أبو اسحق الحويني و يعقوب و اللي زيهم اللي حولوا الدين لدقن و جلابية و نقاب و سواك و ختان و حولوا العلوم كلها لعلوم شرعية و بس .
بمناسبة الشهر اللي المتدينين بيطحنوا نفسهم فيه في العبادة ... و بعد ما يخلص الشهر و يلتفتوا لأشغالهم تلاقي البلادة و العته و الكسل و البرطنة اشتغلت
بمناسبة موسم الدعاء و بكل حرقة و قوة وحماس على النصارى و من ناصرهم و على اليهود و من هادنهم و الدانمرك و السويد و أمريكا و غيره و غيره اللي بيعكس قمة العجز و البلادة و التخلف و قلة الحيلة.
مش هتكلم أكتر من كده .. هأسيبكم مع مقتطفات من أحد الكتب للشيخ الغزالي
" و العجب لناس يدعون التدين و لا يحسون هذه الحقائق ، و بدل أن يطلبوا النجاة لدينهم و أمتهم من هذا الضياع يتحسرون على طول الثياب و قصر اللحى !.بأي منطق ديني محترم يكلف طلاب بترك معاهدهم و هجر كلياتهم ؟ أو تكلف النساء بالزهد في العلم و الثقافة و الوعي الشامل لشئون أمتهن و يختبئن وراء نقاب به ثقبان مكسوان بالزجاج أو الباغة . و توضع أيديهن في قفازات سميكة ، لم هذا كله ؟ و لم النواح العالي على أمور هامشية ، و الصمت المطبق على أمور لا يقوم الدين إلا بها ."
" إذا رأيت شخصا يفقد ولده فيسكت و يفقد نعله فيبكي فلا تشكن في أنه مجنون ، و بعض المتدينين يجترح هذه الغرائب ، فترى صوته يعلو بالحفاظ على الإسلام حيث لا خطر . ثم تراه يصمت كأن الأمر لا يعنيه حيث الإسلام موشك على الغرق .... "
" إنهم يلقون أحاديث ، و يصدرون فتاوى و يخوضون باسم الإسلام معارك ، و الإسلام بعيد عما يقولون و عما يفعلون ، و إن كان يصلى نارهم و يحمل عارهم ... و هو مظلوم .. مظلوم ... الإسلام الصحيح يقدم لأتباعه الخير ، و يهب لهم النصر .. و هذا التدين المغشوش يقدم الهزيمة و يصنع التخلف ، و يحس الناس معه بالحرج "
في الآخر يقى هاقول حاجتين ... أول حاجة للمشايخ ...يمكن المشايخ يحسوا على دمهم بقى و يتكلموا شوية في حاجة مفيدة بجد ... يمكن يقولوا للناس اطحنوا نفسكوا في الشغل عشان البلد دي تبقى أحسن حاجة ... يمكن يقولوا للناس اوعوا ترضوا بالذل و الهوان ... يمكن يقولوا للناس اوعوا تفرطوا في حقوقكم ... يمكن حد فيهم يخلي عنده دم و يعمل زي ابن حنبل و لا زي العز بن عبد السلام و يقف يواجه الظلم و يدافع عن الناس الغلابة بدل ما هما مستقويين على الناس كده .. ده حرام و ده حرام و ده حرام لحد لما خلوا العيشة كلها حرام في حرام و ييجوا عند الظلمة و الفجرة و يكسكسوا لورا .
و هاقول الحاجة التانية للناس العادية.. بكل صراحة بطلوا قلة أدب مع ربنا ... افهموا بقى - ان مكنتوش فاهمين و بتستعبطوا - إن الشعائر دي أساسا معموله لتهذيب الأخلاق لإن أساس بعثة النبي هي إتمام مكارم الأخلاق .. بتفكروني براجل قاعد علطول تحت البيت عندنا مع صاحبه اللي مأجر محل في العمارة اللي انا ساكن فيها .. قاعدين الاتنين لا شغلة و لا مشغلة ... طول اليوم مش عارف بيجيلهم صبر ازاي على القعدة دي .. لأ مش كده و بس دي أي ست داخلة العمارة أو خارجه منها أو معديه في الشارع مع جوزها و لا عيالها و لا لوحدها لازم يفصصوها حته حته .. و أي حد داخل شايل أي حاجة العمارة لازم بتعدي على عينهم اللي عامله زي جهاز فحص الشنط اللي في المطارات ... طول الليل و النهار على القعدة دي و ساعة مايسمعوا الآذان يتنفضوا هما الاتنين و ياخدوا ديل الجلابية في سنانهم و جري على الجامع ...حاجة تفلق .. حاجة في منتهى قلة الأدب و الاستعباط ... بطلوا قلة أدب و احترموا نفسكم على الأقل مع اللي خالقكوا و عارف كل زفت فيكوا جواه ايه

كل سنة و انتم طيبين

حريق مجلس الشورى

حريق مجلس الشورى
ههههههههههه ... مجلس الشورى بيولع ... أحسن .. يستاهلوا ... يا سلام لو كانوا جوه ... و يا سلام لو حود على مجلس الشعب و يكونوا هما كمان جوه .... هههههههههههههههههههههههههه
ده شعور الكثيير من المصريين و بصراحة أنا أولهم ... آه كنا فرحانيين .. حد له عندنا حاجة ... احنا أحرار على الأقل في مشاعرنا ... ايه ؟؟!! ... حد بيقول ان احنا عايزين نتعالج نفسيا .. ماشي ياسيدي ... بصوا أنا هاذممكوا ... لو كان في واحدة كانت عايشه مبسوطه مع أبوها و أمها ... بعدين أمها ماتت و أبوها اتجوز واحدة تانية و جالها مرات أب و كانت قاسية و مفترية ... مش كده و بس .. لأ و الأب كمان مات .. و اتجوزت مرات أبوها راجل مايقلش عنها افترا و جبروت ... و فضلت البنت صاحبة الشقة دي خدامه في بيتها ... بتخدم مرات أبوها و جوزها ... و هما بيفتروا عليها و يعذبوها و يبهدلوها ... و مش كده و بس دول بيعايروها إن هما آوينها في الشقة ... مع إن الشقة شقتها هي ...و سايبين الواد ابنهم اللي مش متربي يتحرش بيها أو حتى يغتصبها .. و هي ساكته و مابتفتحشي بقها من العجز و الضعف و الخوف و بيني و بينكوا خيابة برضه و هما ولاد وس...تيييييت ...ة يخافوا مايختشوش عايزين اللي يحمرلهم عينه مابيجوش بالذوق... أوووووووووم بقى النار مسكت في الشقة .. بسبب هبل مرات الأب و جوزها اللي سابوا البوتاجاز مولع و نزلوا ( يعني إهمال منهم ) ... تخيلوا معايا إحساس البنت الخدامه دي ... و الله العظيم لو كانت زعلانة أو متأثرة تبقى أكيد مش متزنة نفسيا ... أو شخص حالم إلي أقصى درجة ... الطبيعي جدا انها تكون فرحانة و في منتهى الفرحة طالما هي بعيده عن النار ....ده الطبيعي مش إنها تكون زعلانة. و هتزعل ليه ماهي كده كده مابقتشي شقتها بقت خدامه فيها .. و ياريتها حتى خدامه بكرامتها ... لأ دي بقت أقرب للعبده ... هتزعل ليه بقى !!!!!!!!!
حد فهم حاجة ... بذمتكوا بقى نزعل و لا نفرح و لا نعمل إيه بالظبط !!!!!

** بالمناسبة منظر عربية المطافي و هي واقفة بعيد و عماله بترش مياه مش واصله حتى للمبنى ... أحسن وصف على الإطلاق لما وصل إليه حال البلد .. حكومة و شعبا ..

رشوان و عباس الأبيض

رشوان و عباس الأبيض
من كام يوم كده بالصدفة و أنا بقلب في التلفزيون .. لقيت حفلة عاملاها السفارة اليابانية في مصر لهشام مصباح لاعب الجودو المصري الحائز على برونزية في أولمبياد بكين ... طيب ليه يعني السفارة اليابانية تحتفل بيه ؟؟ !! و هو كل واحد في العالم بياخد ميدالية في الجودو .. اليابان بتحتفل بيه ؟؟ لأ طبعا .. السر اكتشفته من كلام السفير الياباني ... السفير قعد يكلم كتير عن العلاقات المصرية اليابانية و بعدين فجأة الكلام حود على الأسطورة ( زي ما قال السفير ) مين الأسطورة ده ...هو المصري محمد رشوان ... اليابانين مسمينه الأسطورة ... عمل إيه رشوان ؟؟ رشوان ده كان بيلعب في نهائي أولمبياد لوس أنجلوس 1984 مع بطل اليابان على الميدالية الذهبية .. و أثناء المباراة أصيب اللاعب الياباني في قدمه اليمنى .. و ببساطة جدا لو ركز رشوان في لعبه على قدم اللاعب اليمنى لفاز بالمباراة بكل سهولة و لأصبح أول لاعب مصري يحرز ذهبية في الأولمبياد يمكن من الأربعينيات ... لكن رشوان رفض تماما إنه يلعب على القدم المصابة و خسر المباراة ... كتيييييير ممكن يعتبروه أهبل ... إزاي يضحي بالمجد ده كله عشان حاجة هبلة ممكن تتنسي بكل بساطة في دقائق بعد نهاية المباراة !! ... لكن الحقيقة إن رشوان اكتشف المجد الحقيقي و سعى له بكل قوة .. هذا ليس رأيي فقط و لكنه رأي اليابانين .. و هذا الرشوان المصري أصبح أشهر في اليابان من اللاعب نفسه الفائز بالذهبية ... لأن رشوان من وجهة نظرهم اكتشف المغزى الخقيقي للعبة ...و من وجهة نظري أرى أنه اكتشف المعنى الحقيقي للمجد و البقاء طويلا ... إنه التأثير العميق و ليس التأثير السطحي المنتشر ... بمعنى آخر و أوضح ... شفتوا مسلسل عباس الأبيض ... عباس ده شخص مش مشهور عايش في حارة محدش يعرفه غير 10 أشخاص بالكتير ... لكنه صاحب تأثير عميق جدا في كل اللي حواليه تأثير سيمتد معهم سنين و سنين و يمكن ينقلوه لأبنائهم و أحفادهم ... و عباس ده يمكن بنشوفه كل يوم في الشارع ... شخص عادي يمكن شكله مش حلو .. دقنه طويلة .... لبسه مش ولابد ... بس تأثيره في اللي حواليه يصل إلي أبعد عمق ... إذن سيبقى عباس و تأثيره إلي أبعد عمر ...كما بقى رشوان و ذهب صاحب الذهبية ... و أعتقد أنه لو سئل اليابانيون ما هو الأسوأ في كارثة هيروشيما و نجازاكي لقالوا أن تأثير القنبلتين امتد لأكثر من جيل و ليس أنه قتل الآلاف ....
يعني من الآخر مش لازم تكون صاحب ذهبية في الأولمبياد أو صاحب الأوسكار أو حتى زويل أو محفوظ لتبقى عظيما و تأثيرك كبيرا ... يكفي أن تكون عباس الأبيض ... يكفي أن يكون تأثيرك عميقا في كل من حولك .. يكفي أن تكون ملهما لهم ... هذا هو المجد الحقيقي .. أن تفهم المعنى الحقيقي للعبة .

أنا ميييييييييين ؟؟

أنا ميييييييييين ؟؟
سؤال في منتهى الصعوبة ... فعلا سؤال صعب جدا ... بقالي فترة طويلة جدا بحاول الإجابة عليه .. مش بحاول كده و خلاص يعني .. ما هوه مش إلهام و لا وحي هينزل فجأة علينا فنعرف الإجابة .. لأ طبعا .. ده محاولات و محاولات صعبة جدا في الغوص في نفسك و في تفكيرك و في أولوياتك و في تصرفاتك و في حاجات كتير أوي جواك عشان توصل للإجابة ... و يمكن بعد لما توصل للإجابة و تحدد انت مين .. تيجي بعد كده و تغير كل ده و يتضح لك إنك كنت أهبل و مش عارف أي حاجة .. ما هوه كله متوقف على قناعاتك و دماغك وقت الإجابة على السؤال ده .. و طبعا بما إن قناعات أي حد ممكن تتغير بالوقت أو بالتجربة أو بالخبرة أو حتى بالصدمات فبالتالي ممكن تتغير الإجابة ( إلا الأغبياء طبعا ... لأنهم مابيتغيروش لا هما و لا أفكارهم لأنهم فاكرين نفسهم في منتهى الذكاء و ده بالمناسبة تعريفي للغباء )....
المهم بعد رحلة طوييييييييييييييييلة جدا وصلت للآتي ... أنا يا عم انت و هوه أولا إنسان ... يعني أول حاجة في تعريفي أنا إنسسسسسسسسسسان و بعدين ثانيا مسلم و بعدين مصري و بعدين عربي و بعدين أهلاوي ... و بعدين قائمة طويلة من التعريفات لأنا مين .؟؟؟ ... طيب يعني ايه اللي أنا قلته و خدوا بالكم كويس أوي من الترتيب لأنه مقصود تماما ... فأنا زي ماقلتلكم إنسان مسلم مصري عربي أهلاوي ..... يعني أول و أهم حاجة في شخصيتي أني إنسان ... يعني لو تعارض إنتمائي للإنسانية مثلا بإنتمائي لمصريتي أو لأي حاجة أقل في الترتيب سيكون تحيزي و بدون أي تفكير لإنسانيتي ... يعني لو حصل خلاف بين واحد مصري مسلم و واحد بوذي هندي و كان المصري المسلم هو الطرف الظالم ... سأقف و بكل قوة بجانب البوذي الهندي .. و هذا الموقف لا يتعارض أبدا مع كوني مسلم أو مصري لأن إنتمائي الأول و الأهم هو للإنسانية أو الفطرة التي تقف دائما بجانب الحق ... ( بالمناسبة لا الإسلام و لا أي دين سماوي يتعارض مع الإنسانية و ما أقصده هنا ليس الإنتماء لدين و لكن الإنتماء لأتباع هذا الدين .. لأني أرى أن الإسلام خاصة و الأديان السماوية عامة و الإنسانية شئ واحد )....
دلوقتي انتم عرفتم انا مين ... بس انا مش باكتب الموضوع ده الحقيقة عشان أشرحلكم أنا مين ... أنا عايز أتكلم في أسباب الإحتقان الرهيب الموجود في كل مكان دلوقتي ... بين المسلمين و المسيحيين و بين الأهلاوية و الزملكاوية و بين كل حد و كل حد تاني بمناسبة و من غير مناسبة ... السبب ببساطة إن ترتيب الأولويات في تحديد حقيقة الشخصيات اتلخبط تماما ... المفروض أي واحد تكون أول حاجة فيه إنه إنسان .. بس طبعا مابقاش كده .. لأنهم فقدوا إنسانيتهم تماما و بفعل فاعل و بمشاركة أيضا منهم ... و بالتالي فقدوا انتمائهم للإنسانية تماما و هذا هو أخطر شئ ... لأن الإنسانية أو الفطرة هي الدرع الأساسي لحماية الشخص من نفسه و من مخه.... فإذا فقدها فإنه يبحث عن أي بديل و سينتمي بكل غباء لهذا البديل و سيتحرك بدون حماية من هذا الدرع اللي هو الإنسانية ...
يعني لما يطلع واحد و يقول الإسلام بيقول ( و هو برئ تماما ) ان المفروض ما نسمحشي للنصارى انهم يبنوا كنائس .. هيتحرك وراه كل المنتميين للمسلمين و الفاقدين لإنتمائهم للإنسانية .. هيتحركوا و بكل قوة و بكل غباء لحماية هويتهم كمسلمين من غير ما يفكروا و هيحرقوا المكان اللي هتتبني فيه الكنيسة...
و على هذا يمكن قياس كل الأفعال ... و بالتالي فالمتهم الأساسي في هذا التطرف هو فقدان الإنتماء للإنسانية و الآدمية المنتهكة يوميا بكل أنواع الإنتهاكات ......
أعيدوا للناس إحساسهم بآدميتهم و إنسانيتهم هتقضوا على التطرف بلا رجعة ...إذا كنتم تريدون هذا و أنا أشك في ذلك .الطبيب الماهر هو من يعالج المرض و ليس العرض.
طبعا النداء الأخير ده في منتهى الهبل ... لأن الأنظمة الحاكمة في كل المنطقة العربية عمرها ما هتسمع الكلام ده ..طبعا يعني ... لأن غذائها الأساسي هو الإضطهاد و الظلم و التخويف و الترويع و التجويع و الإهانات..
طيب نعمل احنا ايه ... يعني أرجوكم ... بلاش نستقوى احنا على بعض ... أنا عارف إن الظلم و الإضطهاد اللي عليكم بيخلي الواحد مايصدق و يجي حد تحت ايده عشان يفرمه ... بس معلش حاول .. ماهو مالوش ذنب هو راخر ... يعني ماتسيبشي الحمار و تتشطر على البردعة ... حاول جايز تقدر و ساعتها و الله سيعود إليك إحساسك بالإنسانية ... ما هوه هيجي بطريقين ... إنك تتعامل بإنسانية و إنك تعامل بإنسانية ... إذا كان فيه واحدة مش بإيدك ... حاول على الأقل تعمل اللي تقدر عليها و ساعتها هيرجعلك جزء مش بطال من إنسانيتك ... حاول

القاهرة 30

مش عارف كأني أول مرة بأشوف الفيلم ده .. إيه ده ؟؟ .. هو كنت أهبل أوي كده و أنا صغير و لا دلوقتي اللي بقيت أهبل ... مش عارف .. بس أنا بقيت شايف الفيلم بطريقة غريبة أوي ... زمان كنت بأشوفه كأنه قصة واحدة باعت نفسها بسبب الفقر لواحد غني كنت متضايق منه جدا بسبب الإفترا اللي هو فيه( و كمان كنت بقول يا بخته ... سعاد حسني بقى ) و الست دي متجوزه واحد خ....تيييييت ..ل اسمه محجوب عبد الدايم قبل انه يطلعله قرون عشان يقدر يوصل و كان المتهم الأساسي في كل القصة من وجهة نظري ساعتها هو الفقر اللي دفع الاتنين لكده بالتعاون طبعا مع افترا الراجل الغني ..أما دلوقتي فأنا شايفه حاجة تانية خالص و مش عارف إذا كان العبقري نجيب محفوظ كان يقصد كده و لا إيه .. صحيح أنا عارف إن نجيب محفوظ قال قبل كده إن فن الرواية في منتهى المكر لأنه بيخلي الكاتب يقول اللي هو عايزه من غير ماحد يمسك عليه حاجة ... بس مش عارف قصده الحقيقي من القصة ايه .. بس أنا هنا هأشرحلكوا اللي فهمته آخر مرة شفت فيها الفيلم ..يمكن تكونوا انتوا كمان فاهمين كده من زمان و يطلع انا اللي فهمي بطئ.
بصوا بقى اللي فهمته .. أو بلاش اللي فهمته .. اللي لاقتني شايفه قدامي فجأة و أنا باشوف الفيلم .. لقتني شايف سعاد حسني كأنها مصر .. آه و الله .. مصر اللي كانت بتحب واحد اسمه علي طه و نفسها تدي كل خيرها لحبيبها ... و لقتني شايف علي طه ده كأنه كل مثقفين و شرفاء هذا البلد اللي حبهم للبلد دي و دفاعهم عنها بنفس طريقة حب علي طه لسعاد حسني في الفيلم كلام بس بدون أفعال ... شايفها بتضيع منه .. شايف أبوها هيبعها بسبب الفقر و كل اللي عند حبيبها كلام و بس ..( بالظبط زي ما معظم المثقفين و المعارضة و هما بيدافعوا عن مصر ) و لقتني شايف جوزها في الفيلم هو بقية شعب مصر الفقرا الغلابة المطحونين ( الحقيقة أنا متعاطف جدا مع حمدي أحمد و مخنوق جدا من علي طه ) اللي قبلوا إن بلدهم تغتصب أو بلاش تغتصب تمشي على حل شعرها مع أحمد مظهر عشان يقدر يشتغل و يعيش و بس !! .. و أحمد مظهر هنا يمثل كل الأنظمة الحاكمة و حاشيتهم من أصحاب الأموال و النفوذ و السلطة ... يعني من الآخر أحمد مظهر هو النظام الحاكم ... حمدي أحمد هو احنا .. طه هو المعارضة ... سعاد حسني هي مصر ...
ده اللي أنا شوفته .. مش عارف بقى الكلام ده صحيح و لا كنت عايز أنام و لا إيه ... بس أنا بقيت أحسس على راسي كل شوية يمكن ألاقي قرون ... عموما حتى لو ماكانش عمنا نجيب محفوظ يقصد كده ... فده ما يمنعش إني شايف مصر بلدنا احنا ماشيه على حل شعرها مع الجماعة إياهم و احنا ساكتين و راضيين و مبسوطييين... يعني من الآخر احنا شوية خ...تييييييييتت لات .

أخيرا .. مش عارف مين صاحب إختيار سعاد حسني لهذا الدور و يا ترى الإختيار مقصود أم لا .. ؟؟ لبيان أن مصر دي جميلة جدا جدا بس احنا مش عارفين قيمتها ... يعني مش كان اختار ماجدة و لا أي حد تاني .. إنما تبقى سعاد حسني مراتك و لا حبيبتك و تبيعها كده ... ده كأن اللي اختارها قاصد تماما و كأنه بيلطم على حالنا.