حريق مجلس الشورى
ههههههههههه ... مجلس الشورى بيولع ... أحسن .. يستاهلوا ... يا سلام لو كانوا جوه ... و يا سلام لو حود على مجلس الشعب و يكونوا هما كمان جوه .... هههههههههههههههههههههههههه
ده شعور الكثيير من المصريين و بصراحة أنا أولهم ... آه كنا فرحانيين .. حد له عندنا حاجة ... احنا أحرار على الأقل في مشاعرنا ... ايه ؟؟!! ... حد بيقول ان احنا عايزين نتعالج نفسيا .. ماشي ياسيدي ... بصوا أنا هاذممكوا ... لو كان في واحدة كانت عايشه مبسوطه مع أبوها و أمها ... بعدين أمها ماتت و أبوها اتجوز واحدة تانية و جالها مرات أب و كانت قاسية و مفترية ... مش كده و بس .. لأ و الأب كمان مات .. و اتجوزت مرات أبوها راجل مايقلش عنها افترا و جبروت ... و فضلت البنت صاحبة الشقة دي خدامه في بيتها ... بتخدم مرات أبوها و جوزها ... و هما بيفتروا عليها و يعذبوها و يبهدلوها ... و مش كده و بس دول بيعايروها إن هما آوينها في الشقة ... مع إن الشقة شقتها هي ...و سايبين الواد ابنهم اللي مش متربي يتحرش بيها أو حتى يغتصبها .. و هي ساكته و مابتفتحشي بقها من العجز و الضعف و الخوف و بيني و بينكوا خيابة برضه و هما ولاد وس...تيييييت ...ة يخافوا مايختشوش عايزين اللي يحمرلهم عينه مابيجوش بالذوق... أوووووووووم بقى النار مسكت في الشقة .. بسبب هبل مرات الأب و جوزها اللي سابوا البوتاجاز مولع و نزلوا ( يعني إهمال منهم ) ... تخيلوا معايا إحساس البنت الخدامه دي ... و الله العظيم لو كانت زعلانة أو متأثرة تبقى أكيد مش متزنة نفسيا ... أو شخص حالم إلي أقصى درجة ... الطبيعي جدا انها تكون فرحانة و في منتهى الفرحة طالما هي بعيده عن النار ....ده الطبيعي مش إنها تكون زعلانة. و هتزعل ليه ماهي كده كده مابقتشي شقتها بقت خدامه فيها .. و ياريتها حتى خدامه بكرامتها ... لأ دي بقت أقرب للعبده ... هتزعل ليه بقى !!!!!!!!!
حد فهم حاجة ... بذمتكوا بقى نزعل و لا نفرح و لا نعمل إيه بالظبط !!!!!
** بالمناسبة منظر عربية المطافي و هي واقفة بعيد و عماله بترش مياه مش واصله حتى للمبنى ... أحسن وصف على الإطلاق لما وصل إليه حال البلد .. حكومة و شعبا ..
ههههههههههه ... مجلس الشورى بيولع ... أحسن .. يستاهلوا ... يا سلام لو كانوا جوه ... و يا سلام لو حود على مجلس الشعب و يكونوا هما كمان جوه .... هههههههههههههههههههههههههه
ده شعور الكثيير من المصريين و بصراحة أنا أولهم ... آه كنا فرحانيين .. حد له عندنا حاجة ... احنا أحرار على الأقل في مشاعرنا ... ايه ؟؟!! ... حد بيقول ان احنا عايزين نتعالج نفسيا .. ماشي ياسيدي ... بصوا أنا هاذممكوا ... لو كان في واحدة كانت عايشه مبسوطه مع أبوها و أمها ... بعدين أمها ماتت و أبوها اتجوز واحدة تانية و جالها مرات أب و كانت قاسية و مفترية ... مش كده و بس .. لأ و الأب كمان مات .. و اتجوزت مرات أبوها راجل مايقلش عنها افترا و جبروت ... و فضلت البنت صاحبة الشقة دي خدامه في بيتها ... بتخدم مرات أبوها و جوزها ... و هما بيفتروا عليها و يعذبوها و يبهدلوها ... و مش كده و بس دول بيعايروها إن هما آوينها في الشقة ... مع إن الشقة شقتها هي ...و سايبين الواد ابنهم اللي مش متربي يتحرش بيها أو حتى يغتصبها .. و هي ساكته و مابتفتحشي بقها من العجز و الضعف و الخوف و بيني و بينكوا خيابة برضه و هما ولاد وس...تيييييت ...ة يخافوا مايختشوش عايزين اللي يحمرلهم عينه مابيجوش بالذوق... أوووووووووم بقى النار مسكت في الشقة .. بسبب هبل مرات الأب و جوزها اللي سابوا البوتاجاز مولع و نزلوا ( يعني إهمال منهم ) ... تخيلوا معايا إحساس البنت الخدامه دي ... و الله العظيم لو كانت زعلانة أو متأثرة تبقى أكيد مش متزنة نفسيا ... أو شخص حالم إلي أقصى درجة ... الطبيعي جدا انها تكون فرحانة و في منتهى الفرحة طالما هي بعيده عن النار ....ده الطبيعي مش إنها تكون زعلانة. و هتزعل ليه ماهي كده كده مابقتشي شقتها بقت خدامه فيها .. و ياريتها حتى خدامه بكرامتها ... لأ دي بقت أقرب للعبده ... هتزعل ليه بقى !!!!!!!!!
حد فهم حاجة ... بذمتكوا بقى نزعل و لا نفرح و لا نعمل إيه بالظبط !!!!!
** بالمناسبة منظر عربية المطافي و هي واقفة بعيد و عماله بترش مياه مش واصله حتى للمبنى ... أحسن وصف على الإطلاق لما وصل إليه حال البلد .. حكومة و شعبا ..
هناك 8 تعليقات:
مش فاهمه
لما دخلت المدونه لاقيت ماحدش يدخل بيني وبينهم
يعني نعلق والا لا
معلش انا هعلق لانك كاتب حاجه جميله قوي
كل اللي كتبته جامد قوي وتعليق علي الحريق مبتكر جدا في الجون
بس ماتقوليش انهم لما جم يصلحوا البيت قالت لهم لالالالالالالالالالالالا
هصلحوا علي حسابي ياسيادي
:)
لأ طبعا تعلقوا و نص .. أنا قصدي إنه إحتمال كل اللي يطلع مني يكون تهييس في تهييس فمحدش يأخذني على اللي هاقوله ...
و عموما في نهاية قصة الحريق الحقيقة انهما مادولهاش أي اختيار هما قرروا انهم يصلحوا البيت من ورث البنت :)
ياجاااااااااااااااااامد
من ورثها
ده رأي حضرتك .. وحضرتك حر فيه .. وعلى عيني ورأسي وأتفهم دوافعه لكني مختلف معها قلباً وقالباً
وهأوجز الاختلاف في الرد على سؤال حضرتك .. لو البيت اتحرق وولع فيه البنت تزعل ولا متزعلش .. حضرتك جزمت انها متزعلش .. ولو زعلت تبقى مختله نفسياً
لكن في رأيي العكس هو الصحيح
فربما كان بنفس المنطق تستطيع البنت أن تقتل نفسها لتتخلص من العبودية .. بدلاً من أن تشب لتلقي عن كاهلها هذه العبودية التي لا مبرر لها .. فلا يحق لسلبي أن يطلب الخلاص بالدمار .. حيث لا خلاص بدمار .. فدمار البيت زيادة في الظلم ونهب الحقوق .. ولا ايه؟
الشعب لم يشب لرد الظلم الواقع عليه .. ومن ثم فليس حريق بيته خلاصاً له .. بالعكس .. بل هو زيادة في الظلم الواقع عليه
وسأسأل سؤالاً جدلياً (فالموضوع لا يحتمل الرد وخصوصاً ان حضرتك قلت انه مجرد تنفيس غضب) .. إذا كنت تعتبر دمار البلد خلاصاً لأهله وأصحابه .. فهل تدعوا أصحاب البلد لتدميرها للتخلص من الحكام؟ .. هل تقبل مثل هذه الدعوة أصلاً
مع كامل احترامي وتقديري
يا ريت حضرتك تقرا ده
احرق .. خرب .. يحيا الوطن
بس أنا يا سيدي لا دعيت أهل البلد انهم يحرقوا البلد عشان يخلصوا من حكامها و لا حاجة !! أنا بس باحاول أشرح لنفسي أولا ليه كنا فرحانين أو على الأقل مش زعلانين مع إن حاجة زي دي لو حصلت في أي بلد محترم كان المفروض نبكي على قيمة بتحترق ... بس ده اللي كنت باحاول أفهمه ...
كمان أنا مانفتشي عننا السلبية و قلت ان اللي فيه البنت الخدامه دي سلبيه و خيابه منها ... و كمان هي محرقتشي حاجة ..انما كان صعب عليها أوي انها تزعل
:)
تخيلي يا شمس .. هيعملوه من ورثها ..جبروت بقى
بص كمان يا طفاطيفو
أنا مش مبسوط أبدا من الإحساس ده .. لتكونوا فاهمين كده و لا حاجة ... أنا بس مستغرب
إرسال تعليق