كنت رشحتلكم قبل كده برنامج عمرو خالد و الآن بعد 8 أيام .. اللي طلعت بيه من المهرجان اللي حاصل على كل القنوات و كل الالوان برضه الآتي
خواطر 4 برنامج لأحمد الشقيري على قناة الرسالة الساعة 6 يعني وقت الإفطار .. البرنامج ده جااااااااااامد جدا .. لازم تشوفوه .. هوه برنامج ثقافي مش ديني أو يمكن يكون أقرب لشوية تدوينات بالصوت و الصورة
قصص القرءان لعمرو خالد على قناة الرسالة الساعة 10 ... و الحقيقة ان البرنامج كويس جدا و أنا حاسس إن عمرو خالد مختلف المرة دي عن الفترة السابقة
مسلسل قمر بني هاشم على قناة الحياة مسلسلات الساعة 2.30 صباحا .. و أول مرة أشوف دراما سورية ... و بصراحة بقوا جامدين جدا .. المسلسل رائع .. تابعوه
أخيرا بقى مسلسل هيما عشان بحب بلال فضل و بس
كـــــــــــــــــــــــــــــل الباقي أونطة حتى يحي الفخراني... متضيعوش وقتكم فيهم
الاشتراك في:
تعليقات الرسالة (Atom)
هناك 6 تعليقات:
شكرا علي هذه الدعوه الكريمه
بس انا مقرره مااتفرجش علي التليفزيون السنه دي
ياريت تدخل المدونه دي وتدلي بتعليق
ay7aga16
وشكرا
شكرا يا شمس .. بس لو عندك شوية وقت صغيرين على الفطار .. نصيحة متضيعيش برنامج خواطر 4 .. هوه مدته ربع ساعة بس و يبدأ الساعة 6.15 على قناة الرسالة
البرنامج جاااااااااامد جدا
على فكرة صحيح مسلسل قمر بني هاشم ده عن السيرة النبوية و المسلسل رائع
و إن شاء الله هادخل المدونة دي و أشوف إيه الأخبار فيه
شكرا علي الكلام اللي قلته لبنت 16
السن ده عايز توجيه للطاقه اللي عنده في مايفيد
شكرا لك
وان شاء الله هشوف البرنامج
انا اتفرجت علي البرنامج
فعلا هو لطيف وفكرته بسيطه جدا
بس عميقه
القبيله بتاعتي اتفرجت معايا
لآنه ساعة الفطار
لآن انا مابحبش التليفزيون ساعة الفطار عشان احنا نتواصل مع بعض
لكن البرنامج فتح باب للحوار بينا كان لطيف
شكرا لك
كويس إن البرنامج عجبك .. الحمد لله
بس الحقيقة اللي عجبني أكتر هي فكرتك عن تواصل الأسرة كلها مع بعض على الأكل
إيه رأيك تعملي حملة تبدأيها من بعد رمضان الهدف منها تجميع كل اسرة مصرية على وجبة واحدة في اليوم غدا أو عشا على حسب ظروفهم يعني بس المهم يجمعوا و يكلموا في أي كلام المهم يقعدوا مع بعض و يتكلموا
جهزيلها و إبدأي و أنا معكي إن شاء الله
ماانا بنادي بده من اول رمضان علي كل مدونه بدخلها وفي مدونتي كمان في موضوع مش هنتسرق
لان التفكك الاسري يبداء من عدم التواصل
لو بنكلم بعض ونحس ببعض كل شئ هيفرق
كل سعاده وهم هتتقسم علي الاسره كلها
بالنسبه للقبيله بتاعتي احنا دايما بنتجمع علي العشاء والاجازات
وبنحاول نجمع نفسنا علي قد مانقدر علي الغدا
إرسال تعليق